กกจูปมสูตร (The Simile of the Saw)

☸ Efficacy & Blessings

English: The Udana scriptures contain the inspired utterances of the Buddha. Regularly chanting or listening to these suttas brings immense spiritual blessings, purifies the mind, and invites profound peace and wisdom into one’s life.

ภาษาไทย: พระสูตรอุทานประกอบด้วยพระดำรัสที่เปล่งออกมาด้วยความปีติของพระพุทธเจ้า การสวดหรือรับฟังพระสูตรเหล่านี้เป็นประจำจะช่วยเสริมสร้างสิริมงคล ชำระล้างจิตใจให้บริสุทธิ์ และนำพาความสงบสุขและปัญญามาสู่ชีวิต

📜 ตัวอย่างคัมภีร์ (Scripture Preview)

เอวํ เม สุตํ เอกํ สมยํ ภควา สาวตฺถิยํ วิหรติ เชตวเน อนาถปิณฺฑิกสฺส อาราเมฯ

เตน โข ปน สมเยน อายสฺมา โมฦอิยผคฺคุโน ภิกฺขุนีหิ สทฺธึ อติเวลํ สํสฏฺโฐ วิหรติฯ

เอวํ สํสฏฺโฐ อายสฺมา โมฦอิยผคฺคุโน ภิกฺขุนีหิ สทฺธึ วิหรติ สเจ โกจิ ภิกฺขุ อายสฺมโต โมฦอิยผคฺคุนสฺส สมฺมุขา ตาสํ ภิกฺขุนีนํ อวณฺณํ ภาสติ, เตนายสฺมา โมฦอิยผคฺคุโน กุปิโต อนตฺตมโน อธิกรณมฺปิ กโรติฯ

สเจ ปน โกจิ ภิกฺขุ ตาสํ ภิกฺขุนีนํ สมฺมุขา อายสฺมโต โมฦอิยผคฺคุนสฺส อวณฺณํ ภาสติ, เตน ตา ภิกฺขุนิโย กุปิตา อนตฺตมนา อธิกรณมฺปิ กโรนฺติฯ

เอวํ สํสฏฺโฐ อายสฺมา โมฦอิยผคฺคุโน ภิกฺขุนีหิ สทฺธึ วิหรติฯ

อถ โข อญฺญตโร ภิกฺขุ เยน ภควา เตนุปสงฺกมิ; อุปสงฺกมิตฺวา ภควนฺตํ อภิวาเทตฺวา เอกมนฺตํ นิสีทิฯ เอกมนฺตํ นิสินฺโน โข โส ภิกฺขุ ภควนฺตํ เอตทโวจ:

อายสฺมา, ภนฺเต, โมฦอิยผคฺคุโน ภิกฺขุนีหิ สทฺธึ อติเวลํ สํสฏฺโฐ วิหรติฯ เอวํ สํสฏฺโฐ, ภนฺเต, อายสฺมา โมฦอิยผคฺคุโน ภิกฺขุนีหิ สทฺธึ วิหรติ

สเจ โกจิ ภิกฺขุ อายสฺมโต โมฦอิยผคฺคุนสฺส สมฺมุขา ตาสํ ภิกฺขุนีนํ อวณฺณํ ภาสติ, เตนายสฺมา โมฦอิยผคฺคุโน กุปิโต อนตฺตมโน อธิกรณมฺปิ กโรติฯ

สเจ ปน โกจิ ภิกฺขุ ตาสํ ภิกฺขุนีนํ สมฺมุขา อายสฺมโต โมฦอิยผคฺคุนสฺส อวณฺณํ ภาสติ, เตน ตา ภิกฺขุนิโย กุปิตา อนตฺตมนา อธิกรณมฺปิ กโรนฺติฯ

เอวํ สํสฏฺโฐ, ภนฺเต, อายสฺมา โมฦอิยผคฺคุโน ภิกฺขุนีหิ สทฺธึ วิหรตีติฯ อถ โข ภควา อญฺญตรํ ภิกฺขุํ อามนฺเตสิ: เอหิ ตฺวํ, ภิกฺขุ, มม วจเนน โมฦอิยผคฺคุนํ ภิกฺขุํ อามนฺเตหิ:…