มหาธัมมสมาทานสูตร (The Great Discourse on Taking Up Practices)

☸ Efficacy & Blessings

English: The Udana scriptures contain the inspired utterances of the Buddha. Regularly chanting or listening to these suttas brings immense spiritual blessings, purifies the mind, and invites profound peace and wisdom into one’s life.

ภาษาไทย: พระสูตรอุทานประกอบด้วยพระดำรัสที่เปล่งออกมาด้วยความปีติของพระพุทธเจ้า การสวดหรือรับฟังพระสูตรเหล่านี้เป็นประจำจะช่วยเสริมสร้างสิริมงคล ชำระล้างจิตใจให้บริสุทธิ์ และนำพาความสงบสุขและปัญญามาสู่ชีวิต

📜 ตัวอย่างคัมภีร์ (Scripture Preview)

เอวํ เม สุตํ เอกํ สมยํ ภควา สาวตฺถิยํ วิหรติ เชตวเน อนาถปิณฺฑิกสฺส อาราเมฯ

ตตฺร โข ภควา ภิกฺขู อามนฺเตสิ: ภิกฺขโวติฯ ภทนฺเตติ เต ภิกฺขู ภควโต ปจฺจโสฺสสุํฯ

ภควา เอตทโวจ: เยภุเยฺยน, ภิกฺขเว, สตฺตา เอวงฺกามา เอวํฉนฺทา เอวํอธิปฺปายา: อโห วต อนิฏฺฐา อกนฺตา อมนาปา ธมฺมา ปริหาเยยฺยุํ, อิฏฺฐา กนฺตา มนาปา ธมฺมา อภิวฑฺเฒยฺยุนฺติฯ

เตสํ, ภิกฺขเว, สตฺตานํ เอวงฺกามานํ เอวํฉนฺทานํ เอวํอธิปฺปายานํ อนิฏฺฐา อกนฺตา อมนาปา ธมฺมา อภิวฑฺฒนฺติ, อิฏฺฐา กนฺตา มนาปา ธมฺมา ปริหายนฺติฯ

ตตฺร ตุเมฺห, ภิกฺขเว, กํ เหตุํ ปจฺเจถาติ?

ภควํมูลกา โน, ภนฺเต, ธมฺมา, ภควํเนตฺติกา, ภควํปฏิสรณาฯ สาธุ วต, ภนฺเต, ภควนฺตญฺเญว ปฏิภาตุ เอตสฺส ภาสิตสฺส อตฺโถ; ภควโต สุตฺวา ภิกฺขู ธาเรสฺสนฺตีติฯ

เตน หิ, ภิกฺขเว, สุณาถ, สาธุกํ มนสิ กโรถ, ภาสิสฺสามีติฯ เอวํ, ภนฺเตติ โข เต ภิกฺขู ภควโต ปจฺจโสฺสสุํฯ

ภควา เอตทโวจ: อิธ, ภิกฺขเว, อสฺสุตวา ปุถุชฺชโน, อริยานํ อทสฺสาวี อริยธมฺมสฺส อโกวิโท อริยธมฺเม อวินีโต, สปฺปุริสานํ อทสฺสาวี สปฺปุริสธมฺมสฺส อโกวิโท สปฺปุริสธมฺเม อวินีโต,

เสวิตพฺเพ ธมฺเม น ชานาติ อเสวิตพฺเพ ธมฺเม น ชานาติ, ภชิตพฺเพ ธมฺเม น ชานาติ อภชิตพฺเพ ธมฺเม น ชานาติฯ

โส เสวิตพฺเพ ธมฺเม อชานนฺโต อเสวิตพฺเพ ธมฺเม อชานนฺโต, ภชิตพฺเพ ธมฺเม อชานนฺโต อภชิตพฺเพ ธมฺเม อชานนฺโต, อเสวิตพฺเพ ธมฺเม เสวติ เสวิตพฺเพ ธมฺเม น เสวติ, อภชิตพฺเพ ธมฺเม ภชติ ภชิตพฺเพ ธมฺเม น ภชติฯ…